Serge ‘zo bet skolaer e Bulat e pad c’hwezek vloaz, ha da c’houde en deus graet e vicher sevel chas e Kallag. ‘Kehit ma oa e Bulat eo bet dilennet er c’hoñsailh en ti-kêr.
Anne a zo bet o chom e Sant Nigouden abaoe he bugaleaj. Kont a ra deomp penaos ez ae d’ar skol ha d’ar pañsion gwechall, ha pegen disheñvel eo ar vuhez bremañ.
Olivane a gont deomp gant kalz a fent penaos ‘oa bet graet al lez dezhi pa ‘oa seitek vloaz, ha petra ‘oa buhez ur skoliadez-lise kostez Sant-Nikolaz d’ar poent-se.
Gwechall ez ae Michel Carpy da gestel evit ar c’hure en e garter deus parrouz Plougernevel. Kont a ra deomp penaoz e rae tro ar bourk, en ur ehan a-wechoù en ostaleri !
Victor Tromeur a oa soner er baloù. Displeg a ra deomp penaos e veze aozet ar baloù goude ar brezel, ha pegen fall e veze gwelet ar sonerion gant ar veleion, argaset ganto a-wechoù memeus : ar re-se o doa kalz a levezon c’hoazh war ar maezioù d’ar poent-se…
Daniel Bieuzent a oa kalvez ha aozer meurb, da heul e dad. Kontañ a ra deomp peseurt koad a veze prenet gantañ evit ober meurbl, fenestroù, savadurioù-kalvez…