Deniz Le Bozeg a gont deomp pegen disheñvel eo brezhoneg Langoned, a zo Kernew, douzh hini Ploure, a zo Pourlet (Gwened).
Lors : An devezh all ‘on deit da welet ‘c’hoc’h ha ‘peus kontet dein deus « euh » ‘n diferañsaou in brehoneg…
Denis : Ya
Lors : ‘Tre Ploure ha Langoned
Denis : Ya beñ ur bern ‘zo « hein »
Lors : Beñ …beñ… beñ… moaien ‘zo doc’h laret deomp « euh » un neubeud diferañsaou
Denis : Beñ dija tout pezh vé echuet ga’ ur Z ‘ba amañ apeupre ‘zo H ‘ba Ploure… un den kouz ‘ba amañ ‘zo un den kouh ‘ba Ploure
Lors : A
Denis : Ha tout ‘n traoù ‘zo ‘giz-se koa …ur bern traoù ‘zo ‘giz-se koa … « euh » ‘benn pé vizem’ ‘ torno pe pé ‘vizem’ cherr’ foenn « euh » foenn ‘benn pé ‘vize-añ hanter-sec’h pe ‘raok karga’ nañ ‘ba prad ‘vize graet bernioù foenn …bernioù med ‘benn pé ‘vize eo ‘ba gêr ‘vize graet ur gouleg foenn (ur goloeg) « une meule » ur gouleg
Lors : Gouleg
Denis : Gouleg ‘ba Langon’d hag ur foenneg ‘ba ploure
Lors : A
Denis : « Euh » ‘benn pé ‘vizemp ‘torno ‘vize bern… bern gwinizh… bern (h)eï… bern kerc’h an dornerez ‘vize ‘trene med ‘benn pé ‘vize an dé ‘vize dornet ‘vize graet ur bern bras neun ga’ plouz …ar bern-se ‘oa ur gouleg plouz ‘ba Langoned hag ur plouzeg ‘ba …’ba …’ba Ploure… Ploure ha Prizieg ha Pleurdud ha tout ‘n traoù koa
Lors : Ya plouzeg ha ya ya ya
Denis : Ha ‘ma kas’t daou doc’h Langon’d ganoun un nozvas ‘benn pé ‘vé « Festival » Bro Plinn ‘ba Boulvriag
Lors : Ya
Denis : En Danouët …un no’zaz ‘oa…oé da’c’hmat ‘pad er sun-se « euh » ‘wi studio’ un tamm ha ‘wi’ gwel’ kantigaou Bro Plinn
Lors : Ya
Denis : Ha me ‘lare d’an daou ‘oa ‘sames ganoum… ‘hui ‘ welo neubeutoc’h diferañs ‘zo ‘tre brezhoneg ‘ba Langoned …’tre brehoneg ‘ba Langoned ha brehoneg ‘ba du-he e-tal Gwengamp ‘wi ‘zo ‘tre Langoned ha Ploure
Lors : A
Denis : Ha pé ‘oam io ‘ba du-ze ‘oa reit paperio doh ar c’hanenniou dimp… me ‘lare … med memes re int ‘giz doum … me ‘lare « bon » ul letrenn pe diou ‘dost koa
Lors : Ya ya ya …ha laret ‘pa dein la krampouz ‘vize lar’t …vé lar’t
Denis : Ya « euh » ni ‘ lara krampouz ‘ba amañ …
Lors : Ya
Denis : Hag or grampoun « une crêpe »
Lors : Ya
Denis : Ha ‘ba Ploure ‘main-nê krapac’h
Lors : Ha pé vé eun
Denis : Heñ
Lors : Pe vé inon
Denis : Me gred ‘ma ur grampoenn med n’on ket zur
Lors : N’oc’h ket zur
Denis : Med ur bern ‘zo krapac’h
Lors : Krapac’h
Denis : Hmm
Lors : E-lec’h krampouz koa
Denis : A ya beñ ppfff…’benn pé ‘vizemp ‘charrañ plouz pe ‘charrañ foenn…« euh »’ba Langoned ‘vize graet ur c’harrad ni ‘lak’e fun ag ur c’harrad ‘wi harz’ foenn da gouehel …’wi derc’h’ nañ ‘ba ‘r c’harr med ‘ba Ploure int laka ur gordenn
Lors : A …a a beñ ya …ha memes tra pugur oec’h ‘vivo kost ha kost koa…
Denis : Ya ya
Lors : ‘N dud…’n dud …’n dud ‘n im gromprene
Denis : An dud ‘n im gomprene zur …ni gomprene ar re ell med nim gaojaemp ket ‘giz er re ell
Lors : Nann med memes tra ‘n or…’n or…’n or klewet inon o konto ‘veze gouiet a ven e oé koa
Denis : Med ‘tre…’tre Gourin ha Langoned « euh » n’é ket lip memes mod è ‘gaoz da… Gourin ‘zo Kerne ni ‘zo è med ni ‘zo ur bern meskaj pojaoù doh …doh Vro Pourlet heñ
Lors : A ya
Denis : Ya « euh » ‘wi lar’t ur gounifl ‘ba Langoned (h)ê ‘lar ul lapin ‘ba Gourin
Lors : A
Denis : Beñ «euh » ‘wi lar’t ur goulm ‘ba Langoned « un pigeon » ê ‘lar ur pichon ‘ba Gourin
Lors : A
Denis : « Euh … grand-père et grand-mère ‘ba Langoned ‘zo tad paour ha mamm baour
Lors : Ya
Denis : ‘Ba Ploure ‘ma’ ta por ha mamm bor ha ‘ba Gourin ‘ma mamm gozh ha ta kozh
Lors : A
Denis : Med me ‘lara-me gwelloc’h é’ boud paour ‘wi kozh pelloc’h ‘pad hañ
Lors : A a a a ze ‘zo zur ya …a ya ya ya …ya ya ya gwir é re wir é ze ya
Denis : Med ni gompren ar re ell med nim… nim ‘gomz’ …pep haïn’…pep haïn ‘gaoja’ e vod mod e vro heñ
Lors : Ya ya ya
Denis : Med pezh ‘zo ‘benn pé ‘oamp ‘chom ‘ba ‘r Gochkêr du-se… ni ‘oa tost…tost da barrez Ploure ha ‘ba ‘ba ‘r gêr ‘lec’h m’ ‘oamp « euh » ‘oa tud a oa ganet ‘ba Ploure ha ê ‘zec’he da gao’l mo’ Ploure « euh » ma mamm baour eun dohte ‘oa ganet ‘ba Ploure … hi ‘oa digoue’et ‘ba Langoned ‘ba ‘n oad a c’hwec’h vlâ med hi n’eus dec’het da gaojal mod Ploure ‘hed he buhe… ‘benn pé m’eus kom…komañset be’ pé m’eus kroget da gaojal « euh » bénn pé ‘oan bihan me ‘ouie ‘wac’h la laezh ‘ba Langoned ‘oa laeh ‘ba Ploure
Lors : Ya …a ya
Denis : A a … ur bern traoù am eus bet …’m eus ket bet desket med m’eus bet gouiet a-viskoazh koa
Lors : Beñ ya ya ya
Denis : Ha chetu pezh ‘zo ma zud bé’ pé me ‘lare doc’h ‘oan bet ba’ skol ‘ba …’ba ‘n abati ma mamm ‘oa ganet ‘ba Gochkêr… ma zad ‘ oa Kerroc’h ‘tre… tost tost tre a oa un tammig mat tochtoc’h da Bloure ‘wi da Langoned ha hê ‘zo (bet) ‘ba ‘r skol ‘ba Ploure… ‘ba’r skol neuint ket desket brezhoneg nê brehoneg nann … ‘oa ket droad da gaojal brehoneg ‘ba Ploure ‘ba …’ba ‘r skol d’an amz’-se med ê ‘oé bet ‘ba ‘r c’hatekiz …’ c’hatekiz mod gwenedour
Lors : A ya
Denis : Zé ‘zo kaoz bénn pé ‘vize ul leor pé ur …’vize prechet dê un dra bennek « euh » ga’ kaniet ha traoù ‘sort-se …benn pé ‘vize ur…ur poz a gromprenen ket me ‘c’houle ga’ mamm ha mize respont dostu
Lors : A ya
Denis : Mamm petra é roñsed… med roñsed ‘zo kezeg
Lors : A ya
Denis : Roñsed ar mor « hippocampes «
Lors : A ya …ya ya ya … a med ze zo kaer
Denis : « ‘N dreu-ze ‘zigoue’e dochtu ‘giz-se ‘ma ket ‘met goul’ ha mize respont dochtu
Lors : A ya ya ya
Testenn e brezhoneg skrivet adlennet gant Francis Favereau :
Lors : An devezh all on deuet da welet ac’hanoc’h hag ho peus kontet din diouzh « euh » an diferañsoù e brezhoneg…
Denis : Ya
Lors : Etre Ploure ha Langoned…
Denis : Ya beñ ur bern zo heñ
Lors : Beñ… beñ… beñ… moaien zo deoc’h lâret deomp « euh » un nebeut diferañsoù
Denis : Beñ dija tout pezh a vez echuet gant ur Z e-barzh amañ apeupre a zo H e-barzh Ploure… un den kozh e-barzh amañ zo un den koh e-barzh Ploure
Lors : A
Denis : Ha tout an traoù a zo e-giz-se koa… ur bern traoù e-giz-se koa « euh » a-benn pa vezemp o tornañ pe pa vezemp o charrat foenn « euh » foenn a-benn pa veze-eñ hanter-sec’h pe a-raok kargañ anezhañ e-barzh ar prad e veze graet bernioù foenn… bernioù mes a-benn pa veze erruet e-barzh ar gêr a veze graet ur gouleg foenn (ur goloeg) « une meule » ur gouleg
Lors : Gouleg
Denis : Gouleg e-barzh Langoned hag ur foenneg e-barzh Ploure
Lors : A
Denis : « Euh » a-benn pa vezemp o tornañ e veze ‘bern… ‘bern gwinizh… ‘bern heiz… ‘bern kerc’h an dornerezh a veze etreze mes a-benn pa veze an deiz e veze dornet e veze graet ur bern bras neuze gant plouz… ar bern-se a oa ur gouleg plouz e-barzh Langoned hag ur plouzeg e-barzh… e-barzh… e-barzh Ploure… Ploure ha Prizieg ha Pleurdud ha tout an traoù koa
Lors : Ya plouzeg ha ya ya ya
Denis : Hag am boa kaset daou deus Langoned ganin un nozvezh a-benn pa vez « Festival » Bro Plin e-barzh Boulvriag
Lors : Ya
Denis : En Danoued… un nozvezh e oa… e oa dalc’hmat e-pad ar sizhun-se « euh » evit studiañ un tamm evit gwelet kantikoù Bro Plin
Lors : Ya
Denis : Ha me a lâre d’an daou a oa asambles ganin… c’hwi a welo nebeutoc’h a diferañs zo etre brezhoneg e-barzh Langoned… etre brezhoneg e-barzh Langoned ha brezhoneg e-barzh du-se e-tal Gwengamp evit zo etre Langoned ha Ploure
Lors : A
Denis : Ha pa oamp erruet e-barzh du-se e oa roet paperioù diouzh ar c’hanennoù deomp… me a lâre… mes memes re int e-giz deomp… me a lâre… ul letrenn pe div a-dost koa
Lors : Ya ya ya… ha lâret ho poa din la krampouezh a veze lâret… a vez lâret…
Denis : Ya « euh » ni a lâr krampouz e-barzh amañ…
Lors : Ya
Denis : Hag ur grampouenn « une crêpe »
Lors : Ya
Denis : Hag e-barzh Ploure emaint-anezhe krapac’h
Lors : Ha pa vez unan
Denis : Heñ
Lors : Pa vez inon
Denis : Me a gred emañ ur grampouenn mes n’on ket sur
Lors : N’oc’h ket sur
Denis : Mes ur bern a zo krapac’h
Lors : Krapac’h
Denis : Hmm
Lors : E-lec’h krampouezh koa
Denis : A ya beñ ppfff… a-benn pa vezemp o charrat plouz pe o charrañ foenn… « euh » e-barzh Langoned e veze graet ur c’harrad ni a lakae fun diouzh ur c’harrad evit harz ar foenn da gouezhañ… evit dalc’hiñ anezhañ e-barzh ar c’harr mes e-barzh Ploure int a laka ur gordenn
Lors : A… a a a beñ ya… ha memes tra peogwir e oac’h o vevañ kost’ ha kost’ koa…
Denis : Ya ya
Lors : An dud… an dud… an dud en em gomprene
Denis : An dud en em gomprene sur… ni a gomprene ar re all mes ni ne gaozeemp ket e-giz ar re all
Lors : Nann mes memes tra en eur… en ur… en ur… klevet unan o kontañ e veze gouiet a venn e oa koa
Denis : Mes etre… etre Gourin ha Langoned « euh » n’eo ket libr memes mod ivez a-gaoz da… Gourin a zo Kerne ni a zo ivez mes ni a zo ur bern meskaj pozioù deus… deus ar Vro Pourlet heñ
Lors : A ya
Denis : Ya « euh » evit lâret ur gonifl e-barzh Langoned int a lâr ul lapin e-barzh Gourin
Lors : A
Denis : Beñ « euh » evit lâret ur goulm e-barzh Langoned « un pigeon » int a lâr ur pichon e-barzh Gourin
Lors : A
Denis : « Euh »… « grand-père et grand-mère » e-barzh Langoned a zo tad-paour ha mamm-baour
Lors : Ya
Denis : E-barzh Ploure emañ « tad-por » ha « mamm-bor » hag e-barzh Gourin emañ mamm-gozh ha tad-kozh
Lors : A
Denis : Mes me a lâr-me gwelloc’h eo bout paour evit kozh pelloc’h e pad hañ
Lors : A a a a a a a ze a zo sur ya… a ya ya ya… ya ya ya gwir eo… re wir eo se ya…
Denis : Mes ni a gompren ar re all mes ni… ni a gomz… pep hini… pep hini a gaoz e vod… mod e vro heñ
Lors : Ya ya ya
Denis : Mes pezh a zo a-benn pa oamp o chom e-barzh ar Gozhkêr du-se… ni a oa tost… tost da barrez Ploure ha e-barzh… e-barzh ar gêr e lec’h ma oamp « euh » e oa tud a oa ganet e-barzh Ploure ha int a zalc’he da gaozeal mod Ploure « euh » ma mamm-baour unan dioute a oa ganet e-barzh Ploure… hi a oa degouezhet e-barzh Langoned e-barzh an oad a c’hwec’h vloaz mes hi he deus dalc’het da gaozeal mod Ploure a-hed he buhez… a-benn pa ‘m eus kom… komañset… a-benn pa ‘m eus kroget da gaozeal « euh » a-benn pa oan bihan me a ouie a-walc’h la laezh e-barzh Langoned a oa laeh e-barzh Ploure
Lors : Ya… a ya
Denis : A a… ur bern traoù am eus bet… ‘m eus ket bet desket mes ‘m eus bet gouiet a-viskoazh koa
Lors : Beñ ya ya ya
Denis : Ha setu pezh a zo ma zud a-benn pa… me a lâre deoc’h e oan bet e-barzh ar skol… e-barzh…e-barzh an abati ma mamm a oa ganet e-barzh ‘Gozhkêr… ma zad a oa ‘Kerroc’h tre… tost tost-tre a oa un tammig mat tostoc’h da Bloure evit da Langoned ha int a zo (bet) e-barzh ar skol e-barzh Ploure… e-barzh ar skol n’o deus ket desket brezhoneg anezhe brezhoneg nann… ne oa ket droad da gaozeal brezhoneg e-barzh Ploure e-barzh… e-barzh ar skol d’an amzer-se mes int oa bet e-barzh ar c’hatekiz… ar c’hatekiz mod gwenedour
Lors : A ya
Denis : Se a zo kaoz a-benn pa veze ul levr pe ur… a veze prestet dezhe pe un dra bennak « euh » gant kanoù ha traoù a sort-se… a-benn pa veze ur… ur poz na gomprenen ket me a c’houlenne gant mamm hag am beze respont diouzhtu
Lors : A ya
Denis : Mamm petra eo roñsed… mes roñsed a zo kezeg
Lors : A ya
Denis : Roñsed ar mor « Hippocampes »
Lors : A ya… ya ya ya… a mes se a zo kaer
Denis : An dra-se a zegouezhe diouzhtu e-giz-se n’am boa ket ‘met goulenn hag am beze respont diouzhtu
Lors : A ya ya ya